ازاى تقابلى العريس اول مرة..

إزاي تقابلي العريس لأول مرة؟
هناك قاعدة تقول إن "الانطباع الأول يدوم" يعني الفكرة اللي حياخدها عنك الشاب اللي جاي ده في أول لقاء حيترتب عليها حاجات كتير أوووي نفس الشيء بالنسبة ليك الفكرة اللي حتاخديها عنه من أول مرة حيترتب عليها حاجات كتير أوووي
علشان كده عايزك تبقي ناصحة وتقدري بأسلوبك وذكائك وجمالك تتركي انطباع كويس عنك عند الشاب ده حتى لو محصلش نصيب
طبعا هتسألي نفسك وتقولي ازاي ده أنا مكسوفة مووووت ومش عارفة أعمل إيه وحاسة إني هلخبط الدنيا وعمالة أتصل بصاحباتي وكل واحدة تضحك عليّ ومحدش قال لي كلمة مفيدة أقدر أستفيد بيها
ماتخافيش.. إحنا دلوقتي هنمشي معاكي خطوة خطوة ونقول لك تعملي إيه
صلي ركعتي استخارة قبل المقابلة، وادعي الله بكل صدق وإخلاص أن يشرح صدركما للخير ويلهمكما الحكمة

*******
الخطوة الأولى
جهزي نفسك نفسيا ومظهريا
1-
علشان ماتتعبيش نفسك وأعصابك على الفاضي ياريت تشيلي من دماغك فكرة إنك بضاعة جاي العريس يتفرج عليها لأن دي حاجة مش صح وحطي في دماغك إن ده جاي يتعرف على البنت اللي ممكن تكون شريكة حياته وإن دي حاجة مش عيب ومفيش منها أي تقليل من شأنك
2-
حاولي على قد ما تقدري تخلّي أعصابك هادية جدا وتبعدي عن أي مصدر قلق أو توتر.. علشان التوتر ممكن يبان على وشك واحنا مش عايزين كده احنا عايزين عروسة زي القمر وياريت كمان قبل الميعاد ده تاخدي دش دافي
3-
بعد كده ادخلي الأوضة عندك وابدأي في اختيار لبسك.. وعلى فكرة النقطة دي بتحير بنات كتيييير أووووي لأنهم بيحتاورا يلبسوا كلاسيك ولا لبس عادي
احرصي أن تكون الملابس طويلة فضفاضة

واوعي تنسي تختاري الألوان اللي تكون مناسبة عليك وتنور وشك
4-
لو كان اللقاء ده هيتم في البيت فياريت ما تلبسيش كعب عالي قوووي وخليك في الكعب اللي 3 سم

6-
خليكي متفائلة وتوقعي الخير علشان تلاقيه خير وتوكلي على الله وفوضي أمرك إليه، وادعي ربنا يوفقك في اللي فيه خير ليكي
أعتقد إنك لو عملتي الحاجات اللي قلنا عليها دي هتكوني فعلا استعديت للقاء ده وتعالي نشوف اللي المفروض تعمليه أثناء اللقاء ده
*******
الخطوة التانية
أثناء اللقاء نفسه
1-
بلاش تشيلي صينية عصير في إيدك وأنت داخلة لأنك ممكن ترتبكي وتوقعيها على اللي قاعدين.. كفاية قووي إنك تدخلي بابتسامة بسيطة على شفايفك وتسلمي على كل اللي موجودين وعليه هو كمان.. واقعدي وخليك شاطرة واختاري إنك تقعدي في الكرسي اللي يكون مواجه له علشان تقدري تشوفيه كويس لأن ده حقك الشرعي وخليكي واثقة من نفسك وخدي الموضوع ببساطة علشان يعدّي
2-
لو مامته جات معاه ياريت تخلّي بالك منها وبلاش تكشّري في وشها وهي قاعدة.. خليكي مبتسمة ليها دايما حتى لو قالت حاجة مش عجباك اوعي تردي عليها رد مش مناسب وكلميها عادي وحاولي تكسبي رضاها وخليكي ذكية وفكري في كل كلمة قبل ماتقوليها
3-
وأنت قاعدة اتكلمي براحتك من غير تكلف وافتحي مجالات للكلام واسمعيه كويس وهو بيتكلم علشان تقدري تحكمي عليه
4-
لو فيه حاجة تضحك يا ريت ماتضحكيش ضحك بصوت عالي أو ضحك هيستري كفاية قوووي ابتسامة بسيطة على شفايفك
5-
خليكي جريئة ولو وجه لك الكلام ردي عليه بذوق من غير كسوف
*******
كمان خدي بالك أوووي
1-
لو سمحت الظروف وقعدتوا مع بعض ياريت تتكلمي معاه في أمور عادية جدا.. زي مثلا البرامج اللي بتعجبك في التليفزيون أو عن حاجة تكون حصلت قريب وشدت انتباهك وابعدي عن الكلام في أي مواضيع تكون مسار جدل زي مثلا الكرة والأهلي والزمالك.. ولو تطور الكلام بينكم لأي مواضيع فيها جدل خليكي ذكية وبلاش يكون عندك تحيز في الرأي واسمعي منه وابدي رأيك بأسلوب لطيف من غير ما تحرجي نفسك أو تحرجيه
واوعي في أول كلام بينكم تسأليه أي أسئلة شخصية أو أسئلة محرجة زي مثلا إنك تسأليه إذا كان خاطب قبل كده ولا لأ أو مثلا مرتبه كام؟؟ لأن الأسئلة اللي من النوع ده ما ينفعش تسأليها في أول مقابلة
2-
لو كان اللقاء في مكان عام زي النادي مثلا أو كافيه أو خلال مناسبة ما فحاولي تقللي من نظراتك حول الأشخاص الموجودين في المكان وركزي في الشخص نفسه
*تحري الارتياح المبدئي من حيث الشكل والمظهر العام وطريقة الكلام، ويعد هذا هو الهدف الأساسي من هذه المقابلة.
- من المهم تواجد رجال ونساء من المحارم في هذه المقابلة للانتباه عند التحدث عن ظروف عمل الشاب المتقدم أو ظروف أسرته؛ لأن لكل منهما وجهته التي يرى منها هذه الأمور.
- كوني أنت بطريقتك المعتادة مع الناس، فما أتاه للارتباط بك هو خصائصك وطريقتك لو كان يعرفك قبل المجيء للخِطْبة، أما إذا كان زواجا تقليديا، فمن المفضل أيضا أن يعرفك كما أنت.
- ابحثي عن الأساسيات التي ترين ضرورة وجودها في زوجك.
- تحدثي عن جوانب الحياة العادية.. بعض الهوايات.. أنواع الأطعمة.. أين تقضون الإجازات؟ الأسرة والعمل، طموحك وما تحبين وما تكرهين.. وهكذا..
- ركزي على أن يكون الحوار بطريقة ودودة وليس بطريقة التحقيقات البوليسية.
- تجنبي التحدث عن العلاقات السابقة -إن وجدت- خلال اللقاء الأول.

******
الخطوة الثالثة
بعد انتهاء اللقاء
بعد ما يمشوا عايزاكي تقعدي مع مامتك وتحكي لها على اللي حصل وتفكري معاها كويس وشوفي إيه اللي قدرتي تطلعي بيه من اللقاء ده.. لأن فيه حاجات حتى لو بسيطة هتكون بانت قدامك ولو مش قادرة تحكمي كويس ياريت تطلبي لقاء تاني علشان تقدري تحكمي على أساس صح..
وربنا يوفقك

هههههههههههههه

اول مرة اصلا اتكلمت معاه عادي جدا وكانه جاي يقعد معانا شوية وخلاص ومش حطيت انه جاي يخطبني لان اصلا انا اعرفة واخدة علية عادي جدا

ومفكرتش بقي لا في كذا ولا كذا ولا الكلام دة كلة

فضلنا نضحك انا وهو وعادي جدا وفعلا بقي فضل يقولي علي اللي بيعرفة في الكمبيوتر وازاي يعمل مش عارفة اية والكلام دة كلة

وخدنا شوية كدة علي الكمبيوتر وكدة يعني

بس نصاائح جميله

اشكرك عليها لميس