كرسي الاعتراف

اقتباس :: 4-العندليب.......يااااااااه لما بيكون فايق...بس ياريت متقفش
قدامى فى الكرات اللى بتتسدد عليا الا اذا كنت متاكد انك هتقدر تمنعها عنى

اهى نقطه الخلاف بنا

انا خايف عليك وانت خايف تيجى جول

لا بجد يعنى

ايه رائيك فيه وانا كابتن ؟

محمد ايه اخبار الحب معاك ؟

مين قدوتك ؟

ايه الشغلانه الى نفسك فيها ؟

مين اقرب الناس ليك عد 7 اشخاص بالترتيب؟

ايه اصعب موقف فى حياتك ؟

لا تعليق

لانك ساعات بتدخل الصداقه فى الكورة
بمعنى ان الكابتن لازم يكون ليه شخصيه فى الملعب حتى على اصحابه
بس انت بتكون خايف تزعل حد منك وده اكبر عيب

بقولك ايه
متخلينى انا الكابتن وجرب كدة

*(((m.t)))* كتب:: لا تعليق

لانك ساعات بتدخل الصداقه فى الكورة
بمعنى ان الكابتن لازم يكون ليه شخصيه فى الملعب حتى على اصحابه
بس انت بتكون خايف تزعل حد منك وده اكبر عيب

بقولك ايه
متخلينى انا الكابتن وجرب كدة

ياعم اتعور واريح نفسى كلكم اصحابى اصلا

لو كنت بدخلها مكنتش كلمتك لما لعبت ادامى

ولا كنت اتخانقت مع محمد عبد الله واحنا شغالين مع بعض
ولا كنت هطرد احمد فرحات

ولا امشى محمود علشان شرب سجاره

ولا اقعد شادى علشان بيقولى غير وكده

انت احطياتى الماتش الجاى سوء رد على الكابتن كرسي الاعتراف - صفحة 5 Annoyed

المفروض تقولى انت الافضل على الاطلاق كرسي الاعتراف - صفحة 5 Clap

بجد احترم صرحتك بس حاول تراجع تصرافتى

ونتناقش انت عارفنى ديمقراتى

وبعدين الجاى احسن
ان شاء الله
ورد على باقى الاسئله

1- اخبار الحب معايا :
نفسى احب واتحب بجد
نفسى احس بمعنى الحب لانى من كتر ماباسمع من صحابى مشاكلهم واقولهم على رائى ومن كتر مابحل للناس فى منتديات تانيه مشاكلهم بقول ياه نفسى بجد احب واتحب عشان اعرف اقرب منهم اكتر
بس فى الاول والاخر كله بامر الله سبحانه وتعالى

2-قدوتى:
بينى وبين نفسى

3-الشغلانه اللى نفسى فيها :
اخلص الاوريكال وابتدى شغل بجد

4-اقرب 7 اشخاص :
اولا لما باحتاج لحد بجد
1- ربنا سبحانه وتعالى
2-بالجا لنفسى ..لانى انا الوحيد اللى لازم اعرف غلطى
ومش عيب اننا نعرف اخطائنا ونصححها لكن الغلط الاكبر اننا نبقى عارفينه
ونتمادى فيه
3-نور صحبى
4-العندليب
5-شخص انت عارفه كويس m'lee

5-اصعب موقف فى حياتى:
لما بابعد فيها عن ربنا سبحانه ووتعالى
ولما ضيعت من ايدى اغلى حاجة فى حياتى
واللى مش هقدر اعوضها تانى.............!؟

منظر باقى اسالتكم

هل تحب الصراحه ام المجامله ؟
ما رايك في العندليب اذكر لنا عيوبه قبل مميزاته ؟
ايه السبب اللي خلاك تترشح للكرسي ؟
هل تحب عين تحترمك ام قلب يحبك ؟
اذكر لنا موقف مضحك وموقف اخر فيه عبره ان وجد ؟

مين العضو الى شد انتباهك ؟

مين العضو الى حابب تتعرف عليه ؟

دي أول مشاركة ليا معاك يا m.t

لو حصل وخيروك بين حبيبك وأعز اصحابك ، تختار مين ؟

وبلاش رد دبلوماسي ، يا حبيبتك ، يا يا اعز اصحابك ؟

انت شايف حظك عموما حلو ولا وحش ؟

" مش هتناسني " تقولها لمين ؟

أيهم أهم بالنسبة لك ، الشهادة ، أم الزواج ممن تحب ؟

ولنا عودة باذن الله .

انا جيت وهرد على كل اسئلتكم
اولا ياسمين::
اولا:1- انا بحب الصراحه جدا وبيتهيالى انى لما العندليب سالنى قولت له على العيب اللى فيه لما بنلعب مع بعض اى متش وده اكبر دليل على انى مش بحب المجامله واهو العندليب صحبى ورغم انه صحبى مجاملتهوش

2-رائى فى العندليب:
مش هقول غير كلمه واحده ربنا يبارك فيه, وخير صديق

3-سبب ترشيحى للكرسى:
اسالو اللى رشحنى هو ادرى منى

4-عين تحترمنى ام قلب يحبنى؟
بصراحه لو العين احترمتنى القلب هيحبنى غصب عنه
ولا انا غلطان

5-اكتر موقف مضحك ولغايه دلوقتى كل مانفتكره نضحك جامد وكانه لسه حاصل حالا:
كنت بالعب مرة متش مع ناس صحابى واتشاطت عليا كورة من بعيد
كانت جامدة جدا
لدرجة انى مشوفتهاش وهى داخله فى الجون بس اللى حسيت بيه
انها رنت فى العارضه اللى فوق جامد قوى
لدرجه انى قومت ادور عليها وافتكرتها برة مش جون
فلاقيت صحبى بيقولى وانا رديت عليه بالظبط زى ماهاقول كدة
(صد يامحمد مش شايف يلصبرى)
كل الى فى الملعب وقعو على نفسهم من كتر الضحك

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ثانيا اشئله العندليب::
:::::::::::::::::::::

1-العضو اللى شد انتباهى:
مرام , ياسمين , لميس
لانى حسيت فى كلامهم واسلوبهم التدين الكامل وصعب تلاقى كدة دلوقتى
او بمعنى اصح نادرا ماتلاقى بنات او اشخاص كدة

2-العضو اللى حابب اتعرف عليه:
بصراحه كلكم
لسبب انى فى المنتدى الاولانى اللى كنا اصحاب فيه وانت اكتر واحد عارف
احنا كلنا تقريبا اتقابلنا مع بعض كتير قوى فى الجامعه لو تفتكره
منتدى حب الاصدقاء
ونفسى ده يتكرر تانى
مش نبقى على النت وبس

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

اسئله thescientest
:::::::::::::::::::::::::::

1-حبيبك وصاحبك تختار مين:
حسب الموقف .....انت مقولتش ايه الموقف

2-حظك عموما حلو ولا وحش:
بصراحه التوفيق ده بيكون من عند ربنا
ومفيش حاجة اسمها حظ
بس اليومين دول بقالى كتير الحمدلله
حاسس ان حظى حلو
وربنا موفقنى فى اختياراتى

3-مش هتنسانى...لمين؟
لاغلى وارق انسان عرقته فى حياتى
*(((lee)))*
ومش هقدر اقول مين هو ....

4-ايهم اهم :
الشهادة فى الاول والاخر
والحمدلله انا مارتبطتش لغايه دلوقتى
وموضوع الحب والارتباط او الزواج بمن تحب ده
بيكون ربنا مقدر للبنى ادم مننا كل حاجة فى وقتها
..................................................................................
بيتهيالى انى جاوبت على كل اسالتكم
ومستنى اللى جاى
عاوز اسئله ناريه
بيتهييالى ان دى لسه تسخين مش كدة ولا ايه

اقتباس :

عاوز اسئله ناريه
بيتهييالى ان دى لسه تسخين مش كدة ولا ايه

هههههههه طب ما تقولنا يا محمد اسئله نار زي ايه وصدقني الناس كلها مش هتتاخر هههههه
نسبه الصراحه في محمد كام في الميه ؟
اذا اردت ان تبكي الان , فعلى من تبكي؟؟
ايه الكليه اللى كان نفسك تدخلها ومدخلتهاش عشان التنسيق؟
من العضو او العضوة الذى يجذبك باسلوبه ؟
- ماهى احب الاقسام والمواضيع الى قلبك

سخنت يا سيدي

اسمع
أهم مبدأ في حياتك ، بتطبقه ؟

انت من اللي بيحبوا التملك ، ولو تملكت بتحس بالملل بعد فترة من اللي خلاص بقا بتاعك ؟

بتتعب عشان اللي تعمل اللي عايزه ، ولا مقضيها ؟

لو ممكن توصف حياتك اللي عايشها دلوقتي في كام كلمة تقول ايه ؟

انا رجعت تانى:::
.................
ياسمين,,,,,,
,,,,,,,,,,,,,,
1-لعبه الصراحة من محمد كام فى الميه؟
الحمدلله ماعنديش اى حاجة اخبيها
لانى كتاب مفتوح للناس كلها
وقبل ماكون صريح معاكم
انا كفايه عليا ان ربنا وحده اللى يعلم اذا كنت صريح ولا بكدب

2-ابكى على مين؟
على كل الايام اللى عدت من عمرى ومكنتش اتقربت من ربنا
وعلى اللحظات الحلوة اللى انا ضيعتها من ايدى

3-كان نفسى ادخل كليه ايه؟
كليه اداب

4-انجذاب للاسلوب؟
لسه مقريتش مواضيع المنتدى كلها
وبعدي ماعتقدش ان كل المواضيع اللى بيقدموها كل الاعضاء من كتابتهم
لان فيه معظمهم منقول

5-احب الاقسام والمواضيع؟
القسم الاصلامى
وهمس المشاعر

>>>>>>>>>>>>>>>>>>>>>>>>>>>>

the scientest
////////////////////////

1-اهم مبدا ؟
ان الله لايضيع اجر من احسن عملا
ورحم الله امرئ عرف قدر نفسه
والحمدلله باطبقهم

2-من اللى بيحبو التملك ولا ؟
بصراحة مش فى كل الحالات
بمعنى اوضح
لان اكيد كلنا كدة

3-باتعب عشان اللى عاوزه ولا مقضيها؟
الحمدلله
بيتهيالى انى بتعب كتير
لانى لو واخد على تقضيه الوقت مكنتش اشتغلت وبسبب شغلى حتى فى الدراسه
مكنتش سقطت سنتين ورا بعض

4-اوصف حياتى فى كام كلمه؟
اتق الله حيثما كنت

مستنى الباقى
انت فين ياعندليب
انت ومرام
ولميس
وابن مصر
والناس التانيه؟

يا عم محمد العندليب خد 2 تاكلنج فى الماتش هدوه جدا كرسي الاعتراف - صفحة 5 Embaressed_smile

ثانيا الامتحانات قربت كرسي الاعتراف - صفحة 5 Annoyed

اقولك على حاجه الفرقه الى غلبتنا فى الدوره

كسبنها امبارح كرسي الاعتراف - صفحة 5 34

20/4

علشان مكنتش انت الى واقف كرسي الاعتراف - صفحة 5 Lolzz

والله زعلت لما قالولى عندك شغل
كرسي الاعتراف - صفحة 5 11bomb

تعالى نخش فى الاسئله بقى كرسي الاعتراف - صفحة 5 Wub

ايه هدفك فى الحياه ؟
هل فكرت تسعاله؟

الناس اخبارها ايه معاك هتأثر على اهدافك؟

ايه هو الحلم وايه الهدف

يعنى فى فرق؟

محمد ممكن لو سمحت ترد على واحد فى بوست لواحده

ايه يا طه انت مش باين ليه ؟

بردو الشغل ... ربنا معاك

عايزين نشوفك في المنتدى

انت هتنتخب مين في انتخابات الرئاسة الجاية ؟

the scientest كتب:: انت هتنتخب مين في انتخابات الرئاسة الجاية ؟

هيرشحنى

انت عملت ايه بقا لمصر يا عندليب

واترشح بس انتا وانا هابقى اوصي عليك

معلش ياجماعه اعذرونى
بس والله اليومين دول مش باعرف حتى اخرج يوم اجازتى
وعلى العموم انا بشكركم على اهتمامكم
وانا ارشح ياسمين

انا اترشحت قبل كده بس مفيش عندي مانع اترشح تاني بس مش دلوقتي لان الوقت مش معايا
انا رايي ترشحوا العندليب او the scientest

the scientest كتب:

انت عملت ايه بقا لمصر يا عندليب

واترشح بس انتا وانا هابقى اوصي عليك

انا عملت ايه لمصر ؟؟؟؟

انا مبحبش اتكلم عن نفسى على فكره

ردى ياحضاره رد يا تاريخ

رد على عبد المهيمين يا ريس قوله محمد فوزى عمل ايه لمصر

بس خلى بالك يا عبدو انا هضم بلدكم للسودان فكده كده وصياك مش هتنفع

وبعدين انا معايه الشعب

انت معاك ايه كرسي الاعتراف - صفحة 5 Clap

قررنا نحن محمد فوزى

بعد تنازل محمد طه عن كرسى الاعتراف

وترشيح المراقب العام ل
the scientest

ان يجلس على الكرسى

وله ان يقبل او يرفض فى مهله 24 ساعه من الان

أنا معايا محمد فوزي

اللي هيبقا ريس قريب

وانا ما عنديش مانع اقعد على الكرسي

بس عايز الكل يشارك عشان الكل يستفيد

» كرسي علي شكل خروف