كرسي الاعتراف

[/quote] انت شكلك نسيت انى رجلى مش تقيله فى الشوط

انا بصد بس Smile

انت قولت ::

بحاول لكن مابعرفش
مشاكل عائلية مع تغيرات حياتية مع صدمااااات عاطفية تكون نسبة الحزن دى

اولا كلنا عندنا مشاكل عائليه وظروف وربنا يعديهالنا كلنا على الف خير باذن الله

انا بقى سؤالى

-ايه هى التغيرات الحياتيه اللى انت حسيت بيها وبالتالى اثرت عليك؟

يا محمد بيتهيألى انك عارف انا ظروفى ايه ومش لازم احكى عنها
احكيلك عنها لو انت مش عارفها بس انت عارف

- ياااااااااه صدمات عاطفيه...! ليه انت ماشى تحب على نفسك ولا ايه...؟ Smile

مش لازم اكون ماشى بحب على نفسى

بس لما بحب ببقى بضمير اوى ولما بحب بحب اوى عشان كده لما بيحصل فراق بيأثر فيه اوى

اذكر لان صدمه واحدة اثرت فيك ؟

لما ابويا قاللى لم هدومك وامشى الساعة 3 الفجر مره

ولما قالتلى امى نفس الكلمة الساعة 4.30 الفجر مره تانية

وايه اكتر صدمه من الصدمات دى اثرت لدرجة انك حاولت تتغير بعديها ؟

الانسان العاقل هو اللى لما يحصل معاه اى ضروب هو اللى لازم يغير نفسه
سواء كانت مشكلة كبيرة او صغيرة
بس لازم اتعلم من الخطأ حتى لو ماكنش ليا ذنب فى الخطأ

انا راجع تانى متقلقش Smile

انا فى انتظارك يا برنس كرسي الاعتراف - صفحة 16 Icon_cool

[/size]

[/quote]

لو رجع بيك الزمن لورا كنت تحب تغير ايه؟

حسيت مره انك عملت حاجه غلط واتعاقبت فيها بقسوه؟( فى المدرسه او البيت)

ايه اسعد يوم ليك فى المدرسه ومش نسيته خالص؟

متي بكيت بكاء شديد ولم تنسي سبب البكاء حتي
الان وما هو السبب

اية هو السؤال اللي مش عاوز حد يسألهولك ؟ ولو حد سألهولك هترد علية ازاي ؟؟ ولية مش عاوزهم يسألوك السؤال دة ؟؟ واية شعورك لو أتسألت السؤال دة ؟

مرام كتب:

اقتباس :

منذ 3 سنوات اقل سوء من دلوقتى

-لية بقيت كدة دلوقتي أكثر سوء منذ 3 سنوات ؟؟

ربنا عايز كده والاسباب كتييييييير زى ما قولت قبل كده تغيرات حياتية بس زادة كتيير

وصدمات عاطفية برضو

وظروف وحشة وحشة وحشة والحمد لله

- شخصيتك من النوع الي بتصمم على هدفها ولا ممكن تقدم شوية تنازلات تنازل ؟

انا من الناس اللى بتصصم على اهدافها اوى لكن القدر ساعات كتير هو اللى بيخللينى موصلش للاهداف دى
بس مش تنازلات

- ممكن ان اى حد يقنعك بموضوع بسهولة ولا بتفضل تعاند معة؟؟؟

انا شخصية عنيده جدا جدا جدا ولو فى حاجة مش مقتنع بيها بعاند فيها و مابعملهاش لغاية ماقتنع بيها بنسبة 100%

- وانت صغير .ايه اقرب لعبه كنت بتلعبها مع اصحابك؟

انا لاعب كورة قديم وبموت فى الكورة ودى الحاجة الوحيده اللى ممكن اعملها اى حاجة واهلاوى ابا عن جدا... الخ

- وانت صغير كنت بتحب تروح المدرسة ولالا ؟ولية ؟؟

كنت بموووووت فى المدرسة

لانى بحب الدراسة وكنت محبوب جدا بين الطلبة والمدرسين

وبعدين كنت 10 سنين فى مدرسة واحدة وكانت خاصة وكان من اول الفراش لغاية صاحب المدرسة زى عيلتى

والله اجمل ايام حياتى..

لو رجع بيك الزمن لورا كنت تحب تغير ايه؟

الزمن نفسه

حسيت مره انك عملت حاجه غلط واتعاقبت فيها بقسوه؟( فى المدرسه او البيت)

مره فى المدرسة (مع العلم انى كنت شقى جدا) كنت عايز اروح دورة المياه وبالعافية علة ما الاستاذ وافق وكان استاذ من الناس اللى بموت فيها ولما وافق وجيت نازل كان الناظر قاعد بالمكتب بتاعه على السلم ومارضيش ينزلنى طبعا قولتله انا همووووت وبعدين انا اسأذنت من الاستاذ فلان قالى (طظ فيك وفى الاستاذ فلان ومش هتنزل برضو)
طبعا اتنرفزت جامد ونسيت الحمام وطلعت قولت للاستاذ (الناظر قاللى كذه كذه)
راح نزل واتخانقوا مع بعض والموضوع كبر
والناظر كدبنى واتفصلت اسبوع

ايه اسعد يوم ليك فى المدرسه ومش نسيته خالص؟

كنا فرحلة فى القرية الفرعونية وكنا بنلعب كورة هناك
والكورة وقعت فى النيل وحاولنا نجيبها انا وواحد تانى بواسطة خشبة طوييييلة
وانا كنت قصييييير....وفجأة
بقيت انا اللى فى النيل
والناس تجرى والمدرسين طلعونى
واللى طلعنى استاذ كنت ببهدله مقالب والرحلة كانت فى الصيف
وبدل ماستمتع بالرحلة وقفت الوم كله فى الشمس ونشرت نص الهدوم اللى كنت لابسها
وبقيت مسخرة المدرسين ساعتها
متي بكيت بكاء شديد ولم تنسي سبب البكاء حتي
الان وما هو السبب

من سنة ونص تقريبا
والسبب هو وفاة احد اقاربى وهو ابن ابن خالتى (وكان اخ لى فى الرضاعة) فى حادث مؤلم
وكنت قد قمت على غسله وكان اصعب يوم فى حياتى
رحمه الله

اية هو السؤال اللي مش عاوز حد يسألهولك ؟ ولو حد سألهولك هترد علية ازاي ؟؟ ولية مش عاوزهم يسألوك السؤال دة ؟؟ واية شعورك لو أتسألت السؤال دة ؟

بلاش ونبى

هههههههههه

اقتباس :: رحمه الله

رحمة الله وادخلة فسيح جناته

اقتباس :

بلاش ونبى

اوكي بلاش

1- ايه اكتر صفه تكرهها في شخص عارفه وفيك؟

2- اكتر عاده نفسك تتخلص منها واكتر حاجه تحبها فيك؟

3- شئ تتمناه وعارف انه مستحيل يتحقق؟

4- ايه شعورك لو عرفت ان في شخص عزيز عليك خانك تعمل ايه؟

5- اختار خمسه اعضاء ووجه لهم نصيحه او كلام اللي يريحك

1- ايه اكتر صفه تكرهها في شخص عارفه وفيك؟

قلة الاصل اكرهها فى اى شخص فى الدنيا

وفيا العصبية

2- اكتر عاده نفسك تتخلص منها واكتر حاجه تحبها فيك؟

عموما هى نفس الحاجة ( الجدعنة )

3- شئ تتمناه وعارف انه مستحيل يتحقق؟

إن جدى الله يرحمه يرجع

4- ايه شعورك لو عرفت ان في شخص عزيز عليك خانك تعمل ايه؟

حصل بالفعل وبعدين انا ماشى بمبدأ (عتاب الندل اجتنابه ) وهو ده اللى حصل

5- اختار خمسه اعضاء ووجه لهم نصيحه او كلام اللي يريحك

العندليب:انا مستنيك على الكرسى يا برنس كرسي الاعتراف - صفحة 16 Icon_cool

عبد المهيمن:اسأل يامعفـ... كرسي الاعتراف - صفحة 16 Icon_razz

طه:ربنا يكسر رجل كل اللى يشوط عليك "معادا ان طبعا" كرسي الاعتراف - صفحة 16 Icon_lol

لميس:انا فى انتظار اسألتك كرسي الاعتراف - صفحة 16 Icon_twisted

مرام: براحة عليا شوية كرسي الاعتراف - صفحة 16 Icon_cry

ما هي طموحاتك واهدافك ف الحياه ؟
ايه السبب اللي جعلك ترشح نفسك ع الكرسي ؟
اذكر لنا موقف فيه حكمه او موعظه حدث لك ان وجد ؟
دخلت الكليه اللي تتمناها ولا علي حسب المجموع ؟
هل اهدافك محصوره ام ان فشلت ف شئ تبحث عن هدف اخر ؟
امتي قلت لاء بصوت عالي و ازاي بتتعامل مع القيود الي بتفرضها عليك الحياه ؟

تحب مين يجلس بعدك علي الكرسي

حبيــــــــــــــــــــــــــبى
انا رجعت لك تانى

السؤال الاول
لو فى واحده بتحبك اوى اكتر من اى حاجه وانت مش عاوز ترتبط باى حد تانى
مع انك فهمتها انك مش عاوز ترتبط باى حد بس هيا لسه بردو بتحبك
السؤال التانى
لو نفسك ترجع للانسانه اللى انت بتحبها تعمل ايه مع انها مع واحد تانى بس متعرفش
نسيتك ولا فاكراك

ممكن تحب حد لاول مرة فى حياتك ويكون هو كل احلامك وحياتك وهو برضو بيحبك وبعدتو عن بعض وقابلت حد غيره ممكن تحبه بنفس درجة الحب الاول ولا الحب الاول عمره مابيتنسى بالنسبه لك وهتبقى خيانه لو فكرت فى ذكرى حبك الاول وانت مع حبيبك التانى؟؟؟؟

لو فى يوم حبيبتك قالت لك وصارحتك انها كانت ليها علاقات قبلك مع ولاد كتير هل ممكن تكمل معاها ولا لا؟

هل كان فى حياتك قصص فاشله ؟؟

تعمل ايه لو حبيت واحدة سنين وفجا ة بعد خطوبه وجواز عرفت انها مكنتش بتحبك من البدايه هاتكمل معاها ولا هاتسيبيها؟؟

لو قولت عايزك تقولى معنى الحب فى كلمة واحدة؟

ايه اكتر حاجة بتضايقك لما بتعملها ومع ذلك بتعملها برده

امتى حسيت انك ضعيف

اقتباس :: بلاش ونبى

الجنرال الكبير ربنا يعزك ويرضى عنك دخلت زائرًا لردودك العسل ولكن توقفتني هذه وقلت لازم أبلغ أخويا وحبيبي عشان ما يقعش في الغلط اللي كلنا بنقع فيه
الحلف بالنبي شرك أصغر وليعاذ بالله والأدلة طويلة عريضة ،ويجب استبدالها بـ(بالله عليك)
اللهم إنَّا نعوذ بك من أن نشرك بك شيئًا نعلمه ونستغفرك لما لا نعلمه

اقتباس :: ربنا عايز كده

طب نشترك معاهم بقى يا كبييييير
طبعًا ربنا أراد لك الخير حيث كان ولو أراد لك جهنم الخلد ما ألهم قلبك التوحيد فأحسن الظن بالله
السوء اللي في نفسي ونفسك ده مش عشان ربنا عايز كده بل عشان احنا عايزين كده وهوانا جاى على كده
وسؤالي بقى

اقتباس :: انا شخصية عنيده جدا جدا جدا ولو فى حاجة مش مقتنع بيها بعاند فيها و مابعملهاش لغاية ماقتنع بيها بنسبة 100%

طيب بخصوص العند حتى لو كان الموضوع ده شرعي وفيه نصوص كتييرة عن رب البريات وخير خلقه ؟ بتعاند برضه وبتقول مش هاعمل الا لما اقتنع؟

ليه دايما لما واحد يجري يلحق الباص تلاقيه مبتسم أو يضحك ؟

بعد عشر سنوآت ماذا تتخيل نفسك؟

سؤال دائما يتبادر إلى ذهنك ولا تجد له إجابه ؟

إذا كان باستطاعة الجينيرال ان يلغي أشخاص من حياته! فكم شخص سوف تلغي؟ ومن؟(اذا أمكن)

ما هي طموحاتك واهدافك ف الحياه ؟

1-ابتغاء وجه الله
2-المحافظة على لياقتى البدنية وممارسة الرياضة بشكل دائم
3-احصل على الشهادة اللى انا عايزها(وده للاسف مش هيحصل)
4-اتعين بوظيفة محترمة
5-ربنا يجمعنى بالزوجة الصالحة اللى انا اختارتها
6- ربنا يرزقنى بالذرية الصالحة
7-احسن تربية اطفالى على منهج الاسلام واكون قدوة لهم فى الحياة

ايه السبب اللي جعلك ترشح نفسك ع الكرسي ؟

مش عارف بس ممكن عشان عايز اصارح نفسى بحقيقتها
وممكن عشان عايز افضفض عن اللى جوايا

اذكر لنا موقف فيه حكمه او موعظه حدث لك ان وجد ؟

كنت شغال فى سنترال فى احدى المناطق الشعبية وكانت تتردد عليا يوميا امرأة عجوز محمد فوزى عارفها
وكانت عاملة وكان سنها لا يقل عن 80 سنة بل يمكن ان يكون90 او اكثر
وكانت تدخل السنترال فقط كى تتصل باولادها الاثنين لكى تطمئن عليهم وكانت ممكن تدخللى فى اليوم اكثر من مره
وكانت دائما تحمل ما تبيع على رأسها وكنت دائما اعرض عليها ان انزل من على رأسها ما تحمله
وكنت اعرض عليها ايضا ان تجلس على احدى الكراسى كى تستريح ولو حتى اثناء المكالمة
ولكن كانت دائما ترفض بعبارة واحدة
(انا جاية ابيع مش جاية ارتاح ، امال البيت عملوه ليه )
يا الله تضرب لى مثلا رهيبا فى الجدية فى العمل وان لكل مكان شأنه فالعمل للعمل والبيت للراحة
واهتمام الام باولادها حتى فى هذا السن
سبحان الله ليت كل الرجال يتعلموا منها

دخلت الكليه اللي تتمناها ولا علي حسب المجموع ؟

دخلت المعهد اللى كنت عايزه

هل اهدافك محصوره ام ان فشلت ف شئ تبحث عن هدف اخر ؟

الاهداف اللى ذكرتها هى اهداف اساسية

ولكن فيه اهداف فرعية أو جانبية هى التى إن فشلت فى تحقيق أى منها بحثت عن غيره

امتي قلت لاء بصوت عالي و ازاي بتتعامل مع القيود الي بتفرضها عليك الحياه ؟

بالنسبة لـ لأ معلش بلاش

بالنسبة للقيود بحاول افرض انها ماجتش وبحاول بحكمة الا اجعلها تؤثر عليا

مرام كتب:: تحب مين يجلس بعدك علي الكرسي

دعاء

حبيــــــــــــــــــــــــــبى
انا رجعت لك تانى
كرسي الاعتراف - صفحة 16 Affraid

السؤال الاول
لو فى واحده بتحبك اوى اكتر من اى حاجه وانت مش عاوز ترتبط باى حد تانى
مع انك فهمتها انك مش عاوز ترتبط باى حد بس هيا لسه بردو بتحبك

هحاول افهمها بدل المرة عشرة إنى مرتبط وهفهمها إن النصيب مش بايدين حد
لو اقتنعت خير ولو ماقتنعتش وفضلت مصرة هتبقى رخامة وهخللى الانسانة اللى انا مرتبط بيها تفهمها
ولو كلمتنى تانى مش هرد عليها

السؤال التانى
لو نفسك ترجع للانسانه اللى انت بتحبها تعمل ايه مع انها مع واحد تانى بس متعرفش
نسيتك ولا فاكراك

معنى انها مع انسان تانى فهى كده تبقى نسيتنى ولو هى فعلا مانسيتنيش ماكنتش ارتبطت بحد غيرى

وبعدين فى حاجة تانى لما هى تكون مع حد تانى انا مش هسمح لنفسى انى افكر فيها من الاساس

ممكن تحب حد لاول مرة فى حياتك ويكون هو كل احلامك وحياتك وهو برضو بيحبك وبعدتو عن بعض وقابلت حد غيره ممكن تحبه بنفس درجة الحب الاول ولا الحب الاول عمره مابيتنسى بالنسبه لك وهتبقى خيانه لو فكرت فى ذكرى حبك الاول وانت مع حبيبك التانى؟؟؟؟

معنى انى علاقتى انتهت بانسانه مهما كان السبب انا استحالة انى افكر فيها لو ارتبط بحد غيرها
ولو لسه مانسيتهاش مش هارتبط بغيرها لان ارتباطى بغيرها ده هيكون لانى عايز انسى الاولانية وانا مش كده وبعدين ده هيكون ظلم للانسانة التانية وانا مابحبش اظلم حد لانى بتصور نفسى مكانها

لو فى يوم حبيبتك قالت لك وصارحتك انها كانت ليها علاقات قبلك مع ولاد كتير هل ممكن تكمل معاها ولا لا؟

انا الانسانة اللى مرتبط بيها حكتلى عن كل حاجة فى حياتها
لكن اللى انتا بتقوله ده لو حصل يبقى هى كدبت عليا ومدام كدبت مره يبقى ممكن تكدب تانى وبعدين
انا ممكن مايبقاش فى مشكلة لو صارحتنى من الاول بس طبعا هكون فاهم ايه طبيعة العلاقة دى وما مداها

هل كان فى حياتك قصص فاشله ؟؟

اه

تعمل ايه لو حبيت واحدة سنين وفجا ة بعد خطوبه وجواز عرفت انها مكنتش بتحبك من البدايه هاتكمل معاها ولا هاتسيبيها؟؟

انا مش عبيط عشان احب واحدة سنين واخطبها واتجوزها وماكنش عارف هى بتحبنى ولا لأ

ونصيحة يا طه ماتتفرجش على افلام عربى كتير

لو قولت عايزك تقولى معنى الحب فى كلمة واحدة؟

اخلاص

ايه اكتر حاجة بتضايقك لما بتعملها ومع ذلك بتعملها برده

العصبية

امتى حسيت انك ضعيف

عموما بحس انى ضعيف لما ببقى حاسس انى عايز اساعد حد ومش قادر

فارس الكلمة كتب:

اقتباس :: بلاش ونبى

الجنرال الكبير ربنا يعزك ويرضى عنك دخلت زائرًا لردودك العسل ولكن توقفتني هذه وقلت لازم أبلغ أخويا وحبيبي عشان ما يقعش في الغلط اللي كلنا بنقع فيه
الحلف بالنبي شرك أصغر ولعياذ بالله والأدلة طويلة عريضة ،ويجب استبدالها بـ(بالله عليك)
اللهم إنَّا نعوذ بك من أن نشرك بك شيئًا نعلمه ونستغفرك لما لا نعلمه

اللهم امين

واشكرك على النصيحة

بس فى حاجة

اقتباس :

الجنرال الكبير

الكبير ربنا

فارس الكلمة كتب:

اقتباس :: ربنا عايز كده

طب نشترك معاهم بقى يا كبييييير
طبعًا ربنا أراد لك الخير حيث كان ولو أراد لك جهنم الخلد ما ألهم قلبك التوحيد فأحسن الظن بالله
السوء اللي في نفسي ونفسك ده مش عشان ربنا عايز كده بل عشان احنا عايزين كده وهوانا جاى على كده
وسؤالي بقى

اقتباس :: انا شخصية عنيده جدا جدا جدا ولو فى حاجة مش مقتنع بيها بعاند فيها و مابعملهاش لغاية ماقتنع بيها بنسبة 100%

طيب بخصوص العند حتى لو كان الموضوع ده شرعي وفيه نصوص كتييرة عن رب البريات وخير خلقه ؟ بتعاند برضه وبتقول مش هاعمل الا لما اقتنع؟

الله ربنا آمنا به على يقين 100% انه موجود وأنه الواحد الأحد

ربنا بعث الانبياء جميعا ليس ليقولوا للناس فقط

ان الله هو الاله وحده لا شريك له

بل ليقنعوا الناس بوجوده وبوحدانيته

من اقتنع آمن ومن لم يقتنع لم يؤمن

إذا انا اقصد ان اساس الايمان بأى شئ وتصديقه

مبنى على اليقين الكامل والاقتناع بهذا الشئ

وعموما انا مؤمن بالله وباليوم الآخر وبسيدنا محمد صلى الله عليه وسلم وبالكتاب وبالسنه

قصدى إن أى موضوع شرعى لست على علم به وفيه نص واحد فى الكتاب أو السنه

بقتنع اقتناع كامل

لأنى مقتنع بكلام الله وبكلام نبيه

ليه دايما لما واحد يجري يلحق الباص تلاقيه مبتسم أو يضحك ؟

عشان حاسس إنه اهبل

بعد عشر سنوآت ماذا تتخيل نفسك؟

مثلما يريدنى الله ( أأمل أن يكون على خير وانصلاح حال بإذن الله )

سؤال دائما يتبادر إلى ذهنك ولا تجد له إجابه ؟

إيه سر حبى الزيادة عن اللزوم فى النادى الأهلى وأبوتريكة؟

إذا كان باستطاعة الجينيرال ان يلغي أشخاص من حياته! فكم شخص سوف تلغي؟

2

ومن؟(اذا أمكن)

اهم اتنين فى حياة أى انسان

ونصيحة يا طه ماتتفرجش على افلام عربى كتير
والله العظيم ده ماكلامى انا كنت فى منتدى تانى
والسؤال ده انا اتسالته من احد اعضاء هذا المنتدى
وكنت زيك كدة على الكرسى برده
وبعدين للاسف انا مش بتفرج على افلام عربى خالص الا نادرا
لكن كله رعب
وانا بشكرك على صراحتك
رجع لك تانى Smile

برايك كتمان الدموع اصعب ام نزولها ؟
هل الثقه ف النفس غرور؟
هل عندك القدره ف الحكم ع الاشخاص الاخرين ؟
اكتر شئ يحزنك واكثر شئ يسعدك ؟
ماذا تعني لك الحياه ؟

general

انا رجعت تانى

1_ هل انت تفعل ما تقوله هنا بالمنتدى ؟
2_ اعتذار تريد ان تقدمه لمن؟

3_ ماذا ستكتب لنا لتعبرعن حياتك التى عشتها الى الان فى كلمات قليله؟
4_اذا اردت ان تبكى الان فعلى من تبكى؟
5_من ستختار ليمسح دموعك؟
6_هل هزمك حزنك فى يوم من الايام؟
7_ ((مستحيل انساك)) لمن تقولها؟
8_اللى راح راح : وماتفيد كلمه ياليتنى , اذا اردت ان توجه هذه العبارة لنفسك , فماذا تقصد بها؟
9_اغمض عينيك دقيقه لو سمحت , ماذا خطر على بالك وانت مغمض العينين؟
10-هل كنت السبب فى يوم من الايام,ان تدمر حياه شخص سواء العمليه او الاجتماعيه,او العاطفيه ....الخ؟

كفايه كدة بس هارجع لك تانى واتمنى انك تجاوب بمنتهى الصراحه........

BUFFON

قوانين الكرسي تسمح بخمس اسئلة فقط

دة لفت نظر في الاول

بعد كدة هيتم حزف الزيادة في الاسئلة وهسيب خمسة فقط

والكلام موجة للكل

دموعك سهل انها تنزل امام الجميع ؟؟ ام امام اشخاص معينين ومن هم ؟؟

اية أكتر اسم بنت تحبة واكتر اسم ولد تحبة ولو في المستقبل ان شاء الله جبت ولد وبنت اسماءهم هتكون اية ؟

حاضر
ومش هكررها تانى
Smile

LE GENERAL

اعذرنى لتأخر دخولى على موضوع الكرسى عشان عاملى عقده كبيرة وانا باذن الله ناوى افكها حالا

قولى ياحج شكلك لغوى او بتحب الاستراتجيات فى اسمك le :×)

ايه اللغه المفضله اللى درستها او ممكن تدرسها ؟؟

بتحب ايه فى الاكل وايه الاكلات اللى بتتقنها ومين حببك فى الموضوع ده ؟؟

ممكن تكون بتعشق العاب الpc او محترف قولنا اخر مغامراتك ؟؟

كيف حالك مع الله ؟؟ كيف تقضى يومك وماذا تفعل اذا قصرت ؟؟

ماذا تفعل من السنن الرواتب وغير الرواتب ؟؟

ماذا تعتبر اللحى والاسبال ؟؟

ما رايك فى حال المسلمين اليوم ؟؟ وكيف ترى الغد ؟؟

كيف حالك مع القران وما طموحك بالنسبه له ؟؟

اخيرا ما نصيحتك للاعضاء فى المنتدى ( بدون ذكر اسامى امسك عضو عضو وفصفصه )

ما طموحك الدراسى وكيف ترى مستقبلك المهنى ..وكيف تذاكر وكيف تقسم وقتك بين المواد .. شرح تفصيلى لمنهاج مذاكرتك وشرح تفصيلى لمنهاج المذاكرة الصحيح من وجهة نظرك

» كرسي علي شكل خروف