اكلة كل يوم

بسم الله الرحمن الرحيم

من غير ماطول عليكم

لو حد عايز يعرف مكونات أى اكله

او طريقة اى اكلة

او تزويق واعداد اى حاجة فى الطعام عموما

او فوائد او اضرار او اى معلومة فى الطهى

يتفضل يأمر وانا عليا إنى اجاوب

على أى سؤال

والله ولى التوفيق

على استعداد تام للحفلات

واسعار خاصة للفنادق والمدارس

فكره حلوه كثير
طيب منها تسخين للموضوع وتنشيطه اطلب منك تزويق التورتات وبالمره كيفيه عملها عشان نعرف الناس بيها

لما شفت اسم الموضوع لم أتوقع ابدا انه من ولد

بس والله برافو عليك

بفرح كتير لما بلاقي الشباب كمان لهم في المطبخ زينا

طيب سؤالي :

أنا عملت كانيلوني الأسبوع اللي فات لأول مرة في حياتي

وكان لذيذ الحمد لله .. بس سُمك الفطيرة بتاعته كان كبير عن ما شفته قبل كدا في التليفزيون وع النت

اقصد الفطيرة المدورة دي اللي بتتحشي لحمة مفرومة كانت تخينة شوية زي قرص البيض كدا لما بتقليه

مش عارفة ليه مع اني كنت حاطة قدر قليل في كل مرة

يا ترى ايه السبب ؟؟

شكرا مقدما ، وبجد موضوع في الجون

يستحق يتثبت يا مرام

اكيد يا رحيل يستحق التثبيت وعندما ينشط الموضوع ف يثبت فورا ان شاء الله

فكرة طيبه جدا جدا جدا

وان شاء الله هيثبت لما ينشط

ولو نشط يتميز كمان

فكرة طيبه جدا جدا جدا

وان شاء الله هيثبت لما ينشط

ولو نشط يتميز كمان

وينقل الي القسم الخاص به

انا بقي عاوزة طريقة البيتزا اللي بتتشد دي

لان انا بعملها وعادية مش بتتشد

فاهم قاصدي

موضوع جميل جدا

والاجمل انه من ولد

مرام كتب:: انا بقي عاوزة طريقة البيتزا اللي بتتشد دي

لان انا بعملها وعادية مش بتتشد

فاهم قاصدي

بصى يامرام ياحبيبتى المشكلة دى انا بعانى منها برده

لكن العيب فى الجبنة نفسها حاولى تجيبى نوع مستورد او اسالى على الجبنة الى بتشد

فكرة الموضوع هايلة ياجنرال

بس انت ايه علاقتك بالمطبخ

ياسمين كتب:

فكره حلوه كثير

الف شكر على المرور

اقتباس :

طيب منها تسخين للموضوع وتنشيطه اطلب منك تزويق التورتات وبالمره كيفيه عملها عشان نعرف الناس بيها

هبتدى من الصفر

اولا المقادير

1-كوبيتين الدقيق
2- 10بيضات
3- كوبيتين الا ربع سكر ناعم مطحون
4- 3فانيليا
5- بيكينج باودر
6-ممكن شيكولاته سائله حسب الغرض

ثانيا طريقة التحضير

1- بالنسبة للبيض نفصل الصفار عن البياض
ونضع على كل منهما نصف كمية السكر ونقلب البياض لوحده مع السكر والصفار مع السكر

2-نقوم بوضع الصفار على البياض ونقوم بتقليبهما سويا

3-نضع الدقيق على البيض لكن على فترات (على كميات من اربع لخمس مرات مع التقليب)
حتى نلاحظ هشاشة الكيك وخفته

4-نحضر قالب ويكون عالى ونقوم بدهنه بقليل من السمن ثم الدقيق

5-نضع الكيك فى القالب

ثالثا التسوية

1-ندخل الكيك الفرن فى درجة حراره هادئة لمدة من 35 الى 45 دقيقة
حتى نلاحظ احمرار الكيك ونتأكد من تسويتها من الداخل

2-نترك الكيك فى الفرن لمدة ربع ساعة تقريبا بعد ان نفصل الحرارة عن الفرن

رابعا التزويق

المكونات كتير بس هاقول الاهم

كريم شانتيه
شيكولاته سائله
قطع وشرائح من الشيكولاته البيضة والعادية
3-بعض الفواكه مثل(شرائح التفاح ، شرائح الخوخ ، شرائح الاناناس ، قطع فراوله ، عنب ، قطع من الموز)
كريز احمر واخضر

اما طرق التزيين تفرق من انسان لآخر
وحسب زوق كل واحد عن غيره

ولكن فى طريقة شائعة وهى..

نقسم الكيك نصفين بالعرض
نبعد النصف الاعلى ونقوم بوضع الكريم شانتيه او الشيكولاته على النصف الاسفل
ونقوم بوضع النصف الاعلى عليه
ونقوم بدهن الكيك من الخارج بالشيكولاته او الكريمة او الاثنان مع بعض لكن دون وضعهم على بعض
ثم نقوم بوضع الفاكهه المراده مع الفن فى رسم تلك الفواكه
مع العلم انه لابد من وضع الجيلاتين او الجيلى على التورتة للحفاظ على تماسك التزيين عليها
وبعد كده نضعها فى الثلاجة

وبالهنا والشفى

وابقى هاتى حتة
واى خدمة

رحيل كتب:: لما شفت اسم الموضوع لم أتوقع ابدا انه من ولد

بس والله برافو عليك

بفرح كتير لما بلاقي الشباب كمان لهم في المطبخ زينا

طيب سؤالي :

أنا عملت كانيلوني الأسبوع اللي فات لأول مرة في حياتي

وكان لذيذ الحمد لله .. بس سُمك الفطيرة بتاعته كان كبير عن ما شفته قبل كدا في التليفزيون وع النت

اقصد الفطيرة المدورة دي اللي بتتحشي لحمة مفرومة كانت تخينة شوية زي قرص البيض كدا لما بتقليه

مش عارفة ليه مع اني كنت حاطة قدر قليل في كل مرة

يا ترى ايه السبب ؟؟

شكرا مقدما ، وبجد موضوع في الجون

يستحق يتثبت يا مرام

ممكن تحطى جيلاتين على الدقيق وتقللي البيض

وشكرا على مرورك

مرام كتب:: فكرة طيبه جدا جدا جدا

وان شاء الله هيثبت لما ينشط

ولو نشط يتميز كمان

وينقل الي القسم الخاص به

الف شكر على مرورك

مرام كتب:

انا بقي عاوزة طريقة البيتزا اللي بتتشد دي

لان انا بعملها وعادية مش بتتشد

فاهم قاصدي

بالنسبة للبيتزا

ده اساسا تخصصى

وأى حد عايز يسأل عن أى أى حاجة فى البيتزا

إن شاء الله عندى الاجابة

عموما البيتزا انواع

قوليلى على البيتزا اللى انتى بتعمليها

وانا افيدك بإذن الله

وحكاية بتتشد دى

بتبقى من الجبنة الموتزاريللا

صلاح الدين كتب:: موضوع جميل جدا

والاجمل انه من ولد

هو ممكن يكون الموضوع جميل

بس الاجمل مرورك

لميس كتب:

مرام كتب:: انا بقي عاوزة طريقة البيتزا اللي بتتشد دي

لان انا بعملها وعادية مش بتتشد

فاهم قاصدي

بصى يامرام ياحبيبتى المشكلة دى انا بعانى منها برده

لكن العيب فى الجبنة نفسها حاولى تجيبى نوع مستورد او اسالى على الجبنة الى بتشد

بالنسبة للجبنة اللى بتشد

اسمها جبنة موتزاريللا

وافضل انواع موجوده فى الاسواق

(جرين لاند ، باندا ، دومتى ، المصريين)

وأى خدمة

لميس كتب:: فكرة الموضوع هايلة ياجنرال

بس انت ايه علاقتك بالمطبخ

امممم.....

علاقتى بالمطبخ علاقة وطيدة جدا

حاجة ماينفعش اتكلم فيها

( المهم إنى بحب المطبخ وهو كمان بيعزنى )

اكلة كل يوم Icon_smile

اقتباس :

لكن العيب فى الجبنة نفسها حاولى تجيبى نوع مستورد او اسالى على الجبنة الى بتشد

وحياتك يا حبيبتي انا حطيت جميع انواع الجبن بحيث انها تتشد مش بتتشد انا اللي بشد في شعري لما تطلع مش بتتشد Smile

اقتباس :

ممكن تحطى جيلاتين على الدقيق وتقللي البيض

المقادير اللي انا حطيتها كالآتي :
1/4 ربع كيلو دقيق
1/2 نص كيلو لبن
3 بيضات
هل 3 بيضات كتير ؟
ثم إني على فكرة ما اعرفش الجيلاتين دا أساسا
دا أجيبه منين وبكم وأحطه امتى ؟

ومبروم تثبيت الموضوع

اقتباس :: بالنسبة للبيتزا

ده اساسا تخصصى

وأى حد عايز يسأل عن أى أى حاجة فى البيتزا

حيث كدا بقى لازم تقول لنا بالتفصيل طريقة عمل البيتزا بكوووول أنواعها

وياريت لو في موضوع منفصل

وهنجربها ولازم لازم تطلع حلوة ان شاء الله

وإلا affraid

مرام كتب:

اقتباس :

لكن العيب فى الجبنة نفسها حاولى تجيبى نوع مستورد او اسالى على الجبنة الى بتشد

وحياتك يا حبيبتي انا حطيت جميع انواع الجبن بحيث انها تتشد مش بتتشد انا اللي بشد في شعري لما تطلع مش بتتشد Smile

يا جماعة من غير شد شعر وبالذات للبنات عشان مش هينفع تكونى قرعة

المهم فى الموضوع عشان عبد المهيمن لسه سآلنى فى نفس المشكلة

مش لازم تكون نوع الجبنة وحشة

ممكن يكون وقت التسوية نفسه ودرجة الحرارة هما اللى بيفرقوا

وبعدين توزيع الجبنة على البيتزا برضو بيفرق وممكن ايضا الاستعانة ببعض انواع الجبن الاخرى
مثل ( الجبنة الرومى والجبنة الشيدر والجبنة البارمازان )

عموما

الجبنة بتتحط على البيتزا من فوق

وبتتوزع توزيع كامل بحيث انها لازم تغطى كل اللى تحتها ماعدا الحروف

ووقت تسويتها بتكون من5 دقائق الى 10 دقائق ليس اكتر

ودرجة الحرارة برضو بتكون من 425 الى 450درجة تقريبا

رحيل كتب:

3 بيضات فعلا كتير على المقادير دى

على فكرة المقادير غلط وهاقولك الصح

المقادير

3 كوبايات دقيق
كوباية واحدة لبن
3 بيضات
ربع كوباية زيت

اما الجيلاتين ده فهو اسمه الشائع ( محسن وظييفته تحسين العجين )

وبيتحط مع الدقيق اثناء تجهيز العجينة (وممكن مايتحطش)

وبيكون موجود فى السوبر ماركت الكبرى

اقتباس :

ومبروم تثبيت الموضوع

مبروم ازاى يعنى

والله انا اعرف ان المصرين عموما ما يعرفوش يعملوا اكل وكل اللى بيعملوه انهم بيدشوا اى حاجه على اى حاجه وبتجيب نتيجه :×)

رحيل كتب:

الموضوع طوييييييييييييييل
بس انا هبدأ معاكى من الصفر

اولا نوع البيتزا بيفرق

البيتزا الشرقى تختلف عن الايطالى عن الامريكانى عن المكسيكى

ولى عودة للتفاصيل

اقتباس :

يا جماعة من غير شد شعر وبالذات للبنات عشان مش هينفع تكونى قرعة

هههههههههههههه

اقتباس :

مثل ( الجبنة الرومى والجبنة الشيدر والجبنة البارمازان )

حضرتك انا جربتها بجميع انواع الجبن وبردو مش بتتشد

يبقي اية المشكلة بقي مش عارفة