كلمات لن تعجبك .. لكنها صحيحة

* الناس كفناجين القهوه
(( ساده .. وسكر زيادة ..ومضبوط !! ))

* بين الحب والوقت علاقة أبدية فالحب يقتل الوقت بسرعة شديدة
والوقت يقتل الحب ببطء شديد !!

* كل شئ في هذه الدنيا له ( ثمن ) حتى الكفن !! .

* الغيرة هي إلتقاء صوت العاطفة بصوت العاصفة !!

* ثلاثة لايعرفون الشبع
(( طالب العلم .. طالب المال .. طالب الشهرة !! ))

* اثنان يذهبان ضياعا
(( المعروف في غير اهله .. المعروف في عقل يتباهى بجهله !! )) .

* النوم كالحب كلاهما آخر من يلبي النداء حين تشتد الحاجة اليه !! .

* صداقات لاتنتهي
(( المرأة بمرآتها .. القارئ بكتابه .. المنافق بحذاء من ينافقه
!! )) .

* في السياسة لاتوجد حقائق ثابته ولا ثوابت حقيقية !!

* يموت الانسان حينما يفقد قدرته على التمني لاحينما يفقد قدرته على
التنفس !! .

* لحظة الحب الحقيقي كلحظتي الميلاد والموت لاتتكرر !! .

* الشائعات كثياب النساء ..
كلما زاد اختصارها كلما زادت إثارتها
وكلما تطوع الكثيرون بإكمال ماخلفها من خطوط !! .

* المراة كالزهرة ثقافتها هي عطرها وعفتها هي اشواكها
وبدونها تتحول الى زهرة من بلاستيك !! .

* المتواكل هو الشخص الذي يتغنى بان الصبر ( مفتاح ) الفرج
ولايكف نفسه عناء البحث عن ( الباب ) الذي سيستخدم فيه هذا المفتاح لفتحه !!

*الحياة فيها ألم وفيها كفاح فيها سعادة وفيها أه

*العاقل منا من يتعظ من تجاربه والغافل منا من يكرر اخطاؤه

* بداية الألم استسلام وبداية الفرج ثورة على الانهزام

* دائما ما نراه بعيوننا يكون ناتج شعور صادق من قلبنا

*قطفوا الزهرة...قالت من ورائى برعم سوف يثور. قطعوا البرعم...قالت غيره
ينبض فى رحم الجذور. قلعوا الجذر من التربة... قالت إنى من أجل هذا اليوم
خبّأت البذور

*لا تنفق مال لم تجنيه ... لتشتري شئ لا تحتاجه ... لتبهر به أشخاصا لا تحبهم ...

الموضوع هايل جدا
لكن من فضلك ايها العضو الفاضل
اذا كانت هذه الموضوعات منقوله من بعض المنتديات او المواقع الاخرى
ارجو من حضرتك التكرم
وكتابه تلك العبارة حتى نعرف (( منقـــــــــــــول ))
بالتوفيق ان شاء الله ............ استــــــــــــمر
كلمات لن تعجبك .. لكنها صحيحة Lol

ليه يا محمد منقول او مش منقول ده مش خبر

اى حد بتعجبه حاجه بيجبها

لكن الاقوال المأثوره الى مش ملك لحد معرووووف انا شايف ان مفيش مشكله اوووى

انت شخصيا مبتعملش كده

وغير كدة يا جماعة القسم دة للمنقول من الاشعار والابداع

موضوع جميل جدا

سلمت يداك للنقل الجميل

شكر خاااااااااااااااااااااااااص لمرام ومحمد فوزى على الردود الجميله

MoHaMmEd FaWzY كتب:: ليه يا محمد منقول او مش منقول ده مش خبر

اى حد بتعجبه حاجه بيجبها

لكن الاقوال المأثوره الى مش ملك لحد معرووووف انا شايف ان مفيش مشكله اوووى

انت شخصيا مبتعملش كده

وده اللى انا عملته لما نزلت موضوع
من فترة وكان بيتكلم عن الحب والرومانسيه
وكانت المشاعر فيه طاغيه جدا وكانت الكلمات ايضا بتحرك المشاعر
وطبعا مكنتش انا اللى كاتبه
وكنت كاتب (( منقوووووول ))
ولاقيت الاخ سيف تكرم وحذف الموضوع
ليه ؟
لانه بيحرك المشاعر واحنا هنا فى منتدى اسلامى
وفى دى كان عنده حق لانه مينفعش كلمات تدعو لتحريك المشاعر واحنا فى منتدى اسلامى
لكن الحمدلله ياريت اللى يقدر يجيب لى موضوع انا منزله وموجود فى منتدى تانى مش مكتوب عليه ( منقول)
بل بالعكس انا كلامى كله انا بكتبه بايدى
وبفضل الله معظمه .. وده اذا مكنش كله متسجل فى الشهر العقارى
وله رقم ايداع
والله الموفق
وشكرا لحسن استماعكم
بالتوفيق

شكرا يا طه على الخطبه الى ملهاش لزمه اصلا لو انته مخنوق ان نسيت اكتب كلمت (منقول) انا بعتزر ومش هخش اكتب موضيع تانى ولا هخش عى المنتدى تانى واسفين على ازعاجك يا طه

وشكرا

يا استاذى الفاضل وانا ايه اللى يخنقنى
انا بس حبيت اوضح وجهه نظرى مش اكتر
وبقولك اكتب كلمه ( منقول ) عشان متتعرضش انت ومواضيعك للجدل
وعموما براحتك عاوز تكتب اكتب
وبالنسبه لمواضيعك
من فضلك متحرمناش من كلماتك وموضوعاتك التى تهدف لشئ مفيد وله قيمه
وانه ليس بالامر الهين ان نفقد عضو نشط مثلك
وفقك الله الى كل ماهو مفيد وهادف وذو قيمه
واكررها عليك مرة اخرى
لاتبخل علينا بموضوعاتك
.... استـمــــــــــر.......

بالتوفيق

ورينا انت بس يا طه مواضيعك

سيب عادل يبدع

» كلمات من ذهب
» كلمات قاتلة
» كلمات أعجبتني
» كلمات تستحق الصمت
» كلمات ليست كالكلمات...