فى حياه كل منا وهم كبير اسمه الحب الاول

}فى حياة كل منا وهم كبير اسمه الحب الاول{ ....... احسان عبد القدوس

الموضوع مهم جدا

وبيتيهالى انه بيلمس حاجة معينه فى كل واحد فينا

ليه نعيش نحلم بالحب ونتوهم اننا بنحب شخص لمجرد انه ابتسم لنا او حتى على الاقل

قال لنا كلمه حلوة ؟

هل لاننا محتاجين للحب؟

او

بندور على الحب اللى مقدرناش نحسه او نلمسه مع اى حد ؟

او حتى على الاقل نكون بنحب شخص والشخص ده بيحبنا....!

تجربه نفسنا نعيشها، او حتى على الاقل نفكر فى حد نكون بنحبه ويحبنا

ولو (1/10) من حبنا ليه

ليه نحب شخص واحنا عارفين انه مش لينا ونفضل نوهم نفسنا وروحنا

انه بيحبنا زى مابنحبه؟

ونفضل متعلقين بيه

ويوم مانلاقيه بيتكلم مع حد حتى ولو كان صاحبه او صديقه فى الجامعه او العمل

او اى مجال ، نزعل وكانه جرحنا ؟!
ورغم كل ده احنا بنكون عارفين ومتاكدين انه مش بيحبنا

ونفضل نعذب فى روحنا..............

ونمنى نفسنا بامانى غريبه

ونفضل موهومين والوهم ده يكبر جوانا لحد مايجى يوم ونلاقى او نتفاجئ

ان هو مش بيحبنا او حتى بيفكر فينا ؟

طـــــــب ليه .....؟

ليه سيبنا الحلم ده يكبر جوانا واحنا مش عارفين انه حلم او حتى وهم ؟

بس ....ممكن يكون حب !

حـــــــــــــــــــــــــــب مستحــــــــــــــــيل ....!؟

هل مستحيل لانه من طرف واحد

طرفك انت

وانت اللى كنت معيش نفسك فى وهم كبير ، وجوة دائرة صعب انك تخرج منها

الا لما تقابل حب بجد......... حب حقيقى

يملى عليك حياتك وينور لك طريقك من تانى

ويوم ماتقابل الانسان ده وتحس انك مشدود له وتحاول تقرب منه زى ماهو مقرب لك

وبعد متتاكد من حبه ليك وانك انت كل الدنيا بالنسبه له

ومع مرور الايام تتفاجئ انك محبتهوش ولا حتى ناوى انك تحبه ....!

طــــــــــب ليه ...؟

هل لانك كنت بتحاول تخرج من دائرة حبيبك الاولانى

الدائرة اللى انت حسيت نفسك فيها

((( حاول تخرج منها)))

وليه كل ماشخص يحاول يقرب لك ويعترف لك بحبه تبعد عنه؟

هل لانك :

1- لسه محبتش بجد وخايف تحب؟

2- الشخص اللى وهمت نفسك بحبه لسه جواك ؟

حاول تعرف انت عاوز ايه

ولو قدرت توصل للحل ، هتعرف تكمل طريقك من غير خوف

مستنى ردودكم واعتذر اذا كنت طولت عليكم....

taha

25/11/09

لو سمحت يا محمد بعترض على كلمه وهم جنب الحب الاول

حتى لو الى كاتبها مين

على فكره مصطلح الحب الى فى موضوعه بعيد عن مصطلح الحب الوهمى

الحب لازم يجى عن معرفه دقيقه

لكن حب الابتسامه والنظرات ده حب فاشل الا بقى فى ظروف توافق نارده

لان حب الابيسامه والنظره دايما حب طرف واحد
والله اعلم

شكرا على مرورك ياباشا

كل سنه وانتو طيبين ياجماعه

وانت طيب يا حبيبى

بس ايه رايك النهاردة

خش قسم الانجلش وانت تشوف رائيى

حب ايه اللى انت جاى تقول عليه

اقتباس :: ومع مرور الايام تتفاجئ انك محبتهوش ولا حتى ناوى انك تحبه ....!

طــــــــــب ليه ...؟

لان بيكون الانسان في الوقت دي مراهق بتكون فترة مراهقة مش أكتر...

لان لو حب بجد مش هيجي يوم علية ويتفاجئ انه مش بيحب الشخص دة

وكل سنة وانتم طيبين

أولًا أخي الحبيب لفظ (كل) يفيد الاستغراق أى معناه أنه لا يوجدي بشري إلا ووقع فيما يسمى الحب الأول في الشكل الإعلامي الفاسد
ولكن الصحيح أن يُقال (بعض منّا )
أخي الحبيب ،لقد سميت الخيانة في زماننا حبا
رغم أن الحب ليس له لذة إلا بطهر وإذا انتفى انتفت لذة الحب
والحب الأول هو حب فطري لله عز وجل يلقيه الله في قلب المولود
فهذا أول تدليس يجب أن نفطن له
الحب الزائف أو البرق الخلب الذي يعرضونه ليل نهار على التلفاز ليس له في الاسلام نصيب إلا ان تكون قادرًا على مؤنة الزواج فأحببت واحدة وذهبت لتتزوجها في الحال أما غير ذلك وأنت لست قادرًا وبنيت علاقة على ذلك فهو من مقدمات الزنا وما أكثر الزواج العرفي في زماننا (وهو عقد باطل أى ان العلاقة تعد زنا ) تحت لافتة (الحب ) وما هو حب إن الحب إلا الصفاء الطاهر
ولفظة الحب في لغة العرب تعني الصفاء
أما ما يظهرونه على الشاشة فهو عشق والعشق في لغة العرب (هو الميل مع الشهوة )
وقد قال الله تعالى "ولا متخذات أخدان " أى ولا متخذات أحباب وخلائل وعشاق من الرجال
فنحن منهيون عنه ولكن اعلامنا أبى إلا التضليل
نسأل الله أن يرزقنا حبه وحب من يحبه وحب عمل يقربنا إلى حبه

امين يارب العاملين
اولا انا بشكرك على ردك الهايل ده
ثانيا

((أما غير ذلك وأنت لست قادرًا وبنيت علاقة على ذلك فهو من مقدمات الزنا ))

مش شرط يكون بدايه الحب ده يكون من مقدمات الزنا

وبعدين بيتهايلى ان كل واحد مننا حب واتحب

وعاش قصه حب وانتهت لظروف معينه

وممكن انت تكون كمان حبيت وغيرك حب

فامش شرط ان اللى يحب لازم علاقته تكون مبنيه على هدف وهو الزنا والعياذبالله

ماكتير مننا بيحب ويكون فى علاقه حب بينهم وبين بعض

وبينتهى نهايه سعيدة وكويسه وهو الزواج

يبقى مش كل علاقه حب لازم تكون اساسها الزنا

وشكرا على مرورك اخى الكريم

يا سيف المعنى الدارج عندنا ان الاعجاب لما يتحول لعلاقه ونيه الى الزواج بيبقى حب

والناس كلها فاهمه كده

طبعا انا بحيك على حفاظك على اللغه واحيائها من جديد

انا بس بوضح وجهه النظر فى الكلام مع انه مش عاجبنى شخصيا

لان الانسان يعمل كنترول على نفسه

مش دايما الحب الاول بيبقى وهم احيانا بيكون حب حقيقى ومش بنقدرننساه

لميس كتب:: مش دايما الحب الاول بيبقى وهم احيانا بيكون حب حقيقى ومش بنقدرننساه

عمر الحب ماكان وهم بالعكس
بس احنا اللى عشان بتكون اول حاجة عيشناها وحسيناها
مش بنقدر اننا ننساها
شكرا على مرورك

محمد هتناقد نفسك ؟

اقتباس :: بس احنا اللى عشان بتكون اول حاجة عيشناها وحسيناها
مش بنقدر اننا ننساها

اعتقد انه مش دايما بردو

ممكن بس اللى يحب ماعتقدش انه يعرف يكره
شكرا مرام
شكرا عندليب

محمد اثبت على موقف واحد متخليش دايما النقاش يجرك للاستسلام

الى انا متاكد انك بتقول كلام ومقتنع 100% بالى انت كاتبه

اتناقش صح علشان تقدر تغير رائيك صح

انت عارف انى باضعق لما بتيجى سيرتها

وبعدين انا برد على الكلام وانا مش فاهم اى حاجة مكتوبه

انا ماعرفش مالى النهاردة وعلى العموم اعذرونى

وانت اكترواحد عارف انى مش بهرب من المواضيع

لما افوق هارج واشوف ايه اللى انا كتبته

بس انا مش مركز خالص النهاردة

اهم حاجه متزعلش من نقدى
انت عارفنى مبعرفش اشيل فى قلبى
وصريح

هوه الحب عندك وهم الحب عمره ما كان وهم]

owin كتب:: هوه الحب عندك وهم الحب عمره ما كان وهم]

بس ياااااااااااااااض

مش باقول ان الحب وهم

انا هنا قصدى ان فى انسان ممكن يكون وهم نفسه ان الشخص اللى هو حبه ده يكون بيحبه هو كمان وبالتالى

فضل معيش نفسه فى وهم كبير قوى

ولما فاق منه عرف واتاكد انه كان موهوم

وبيتهيالى ان شخص عن شخص يفرق

وبرده كمان تفكير عن تفكير يفرق

زى مانا اختلف عنك وانت كمان تختلف عنى

وغيرنا يختلف عن التانى

واكيد كله مختلف عن بعضه وهكذا

شكرا على مرورك

خلاص ياريس متضايقش نفسك انا رديت خلاص

ههههههههه

عادل انت جاى تخنقنا ولا ايه والعمل الترفيهى صايع !!

متردش عليه يا طه

» مين عايز يغير اسمه
» الحب.....
» عيد الحب (الفلانتين)
» هل يجتمع الحب وراحة البال معا ؟؟؟
» ماذا تعرف عن عيد الحب؟